धनुषा, बैशाख २८ः जिल्लाको धनौजी गाँउपालिका ३ स्थित कटैया चोकबाट एपीएफ टोलीले २० बोतल एक्जीप्लोन नामक लागूऔषधसहित तीन जनालाई पक्राउ गरेको छ ।
पक्राउ पर्नेहरुमा सोही जिल्लाको मिथिला नगरपालिका ६ का ३६ वर्षीय शेर सिंह तामाङ, ३६ वर्षीय सिताराम यादव र २८ वर्षीय श्रीप्रसाद महतो रहेका छन् ।
बा १३ च १२९५ नम्वरको गाडीमा सवार उनीहरुलाई सशस्त्र प्रहरी बल, नेपाल नम्वर ८ गण धनुषाबाट खटिएको एपीएफ टोलीले शंका लागि जाँच गर्दा उक्त लागूऔषध फेला परेपछि पक्राउ गरिएको हो ।
एपीएफ टोलीले पक्राउ परेकाहरुलाई बरामद लागूऔषधसहित आवश्यक कारवाहिको लागि स्थानीय प्रहरीमा बुझाएको छ ।
