काेशी अस्पताल विराटनगरमा उपचाररत ८ जना काेराेना संक्रमित डिस्चार्ज

| 2020 May 08 | 01:02 pm 2158

माेरङ, बैशाख २६ः प्रदेश नम्बर १ काे (कोभिड १९ उपचार केन्द्र) कोसी अस्पताल विराटनगरको आइसोलेसनमा उपचाररत उदयपुर भुल्केका थप ८ जना संक्रमित डिस्चार्ज भएका छन्।

डिस्चार्ज हुनेमा एकजना भारतीयसहित सात जना नेपालीलाई  डिस्चार्ज गरिएको विराटनगर कोभिड अस्पतालका चिकित्सक दीपक सिग्देलले जानकारी दिए।

उनीहरुको लगातार तीन पटक गरेको स्वाब परीक्षण रिपोर्टमा बिहीबार नेगेटिभ देखिएपछि उनीहरुलाई शुक्रबार डिस्चार्ज गरिएको चिकित्सक सिग्देलले बताए ।

उपचार गर्न आएदेखि हालसम्म कसैलाई पनि जटिल खालको उपचार नगरिएको सिग्देलले बताए। कोरोना भाइरसको संक्रमण देखिएका सबै जनाको स्वास्थ्य अवस्था सामान्य रहेकाे उनले बताए ।

उपचार केन्द्रमा बसेका ३१ जनामै कुनै किसिमको कोरोना भाइरसको लक्षण देखिएको छैन। रिपोर्ट पोजेटिभ आउनेहरुको ५ दिनपछि पुनः स्वाब परीक्षण गरिने सिग्देलको भनाइ छ।

यसअघि प्रदेश १ मा सबभन्दा पहिले संक्रमण पुष्टि भएका १३ जनामध्ये ६ जना स्वस्थ्य भएर बुधबार डिस्चार्ज भइसकेका छन्।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.