पर्सा, बैशाख १८ः जिल्लाको वीरगंज महानगरपालिका ३१ स्थित भेडियाही खोलाबाट एपीएफ टोली र सब डिभिजन वन कार्यालयका कर्मचारीले करीव एक लाख नौ हजार रुपैयाँ बराबरको सालको गोलिया काठसहित एक जनालाई पक्राउ गरेको छ ।
पक्राउ पर्नेमा सोही जिल्लाको पर्सागढी नगरपालिका ४ पर्शुरामपुरका असलम देवान रहेका छन् ।
दुई वटा साईकलमा राखी ल्याउँदै गरेको उल्लेखित मुल्य बराबरको ३१ क्यूफिट सालको गोलिया काठसहित निज देवानलाई सशस्त्र प्रहरी बल नेपाल सुरक्षा वेश बेलवाबाट खटिएको एपीएफ टोली र सव डिभिजन वन कार्यालय सबैयाका कर्मचारीले पक्राउ गरिएको हो ।
काठ ल्याउदै गरेका अन्य व्यक्तिहरु गस्तीमा रहेको एपीएफ टोली देख्नासाथै उक्त काठ छाडी फरार भएका थिए ।
पक्राउ परेका निज देवानलाई बरामद काठसहित आवश्यक कारवाहीको लागि सव डिभिजन वन कार्यालय सबैयामा बुझाईएको छ ।
