पश्चिम नवलपरासी, बैशाख १६ः जिल्लाको सरावल गाउँपालिका ७ भटौलिया खोलास्थित सीमा ईलाकाबाट एपीएफ टोलीले विभिन्न किसिमका लागूऔषधसहित दुई जनालाई पक्राउ गरेको छ ।
पक्राउ पर्नेहरुमा सोही गाउँपालिका ४ बस्ने डिलाबर खान पठान र अमजत खान रहेका छन् । उनीहरुलाई सशस्त्र प्रहरी बल नेपाल बोर्डर आउट पोष्ट भुजहवाबाट खटिएको एपीएफ टोलीले जाँच गर्दा निजहरुको साथमा वीनस्पास्मो १ सय ५ वटा र अन्य नाम नखुलेको सेतो ट्याब्लेट ३३ वटा फेला परेपछि पक्राउ गरेको हो ।
पक्राउ परेकाहरुलाई एपीएफ टोलीले बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।
