काठमाडौं, चैत ५: अवैध लागूऔषध छ किलो चरेससहित एक भारतीय नागरिकलाई प्रहरीले पक्राउ पक्राउ गरेको छ ।
पक्राउ पर्नेमा भारत विहारका ४० वर्षीय अनवर अली अन्सारी रहेका छन् ।
उनलाई महानगरीय प्रहरी वृत्त कालिमाटीको टोलीले कलङ्कीस्थित एक होटलबाट उक्त परिणामको अवैध लागूऔषध चरेससहित मङ्गलबार साँझ पक्राउ गरेको हो ।
वृत्तका प्रमुख प्रहरी नायब उपरीक्षक (डिएसपी) रुगम कुँवरले झोलामा लुकाएर राखेको अवस्थामा पक्राउ गरिएको जानकारी दिए ।
पक्राउ परेका अन्सारीलाई आवश्यक अनुसन्धान भइरहेको वृत्तले जनाएको छ ।
उनलाई आजै जिल्ला अदालत काठमाडौंबाट म्याद थप गरी लागूऔषध ऐन २०३३ अन्तर्गत मुद्दा चलाउने तयारी भइरहेको प्रहरी नायब उपरीक्षक कुँवरले बताए ।