जेलबाट छुट्न सिफारिस हुने क्रममा रहेका एक कैदीको मृत्यु

रिपोर्ट नेपाल | 2020 Feb 18 | 03:12 pm 1598

अछाम, फागुन ६: जिल्ला कारागारमा अछाममा एक कैदी मृत अवस्थमा फेला परेको छ ।

मृत्यु हुनेमा पञ्चदेवल–विनायक नगरपालिका–६ तोलिका ४२ वर्षीय जितेन्द्र विक रहेको प्रहरीले जानकारी दिएको छ ।

कर्तव्य ज्यान मुद्दामा कैद भुक्तानी गरिरहेका विक सुतेको अवस्थामै कारागारभित्रै मृतावस्थामा भेटिएका हुन् ।

उनी मंगलबार बिहान ढिलोसम्म नउठेपछि अन्य कैदीबन्दीले हेर्दा मृतावस्थामा फेला पारेको जिल्ला प्रहरी कार्यालयका प्रहरी प्रमुख प्रहरी नायब उपरीक्षक दीपक भारतीले जानकारी दिए।

मृतकका आफन्तलाई बोलाइएको र आफन्त आइसकेपछि शवपरीक्षण गरिने जनाइएको छ ।

कर्तज्य ज्यान मुद्दामा २०६६ भदौमा जेल परेका विकले १० वर्ष ६ महिना कैद भुक्तानी गरिसकेका र जेलबाट छुट्न सिफारिस हुने क्रममा रहेका बुझिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.