काठमाडौं, माघ २७: शनिबार मृगौलाको डायलाइसिसको क्रममा असहज महसुश गरेका प्रधानमन्त्री केपी शर्मा ओलीलाई आइतबार आराम गर्दा पनि स्वास्थ्यमा समस्या आएपछि सोमबार बिहान ग्राण्डी अस्पताल लगिएको छ ।
गत कात्तिकदेखि नियमित डायलाइसिसमा रहेका प्रधानमन्त्री ओलीले शनिबार त्रिवि शिक्षण अस्पतालमा डायलाइसिस गराएका थिए।
शनिबारको डायलाइसिसका क्रममा प्रम ओलीले स्वास्थ्यमा केही असहज महसुस गरेको बालुवाटार स्रोतले जानकारी दिएको हो ।
मिर्गौलाको नियमित डायलाइसिस गरिरहेका प्रधानमन्त्री केपी ओलीले आइतबारका सबै कार्यक्रम स्थगित गरेर आराम गरेका थिए ।
प्रधानमन्त्रीलाई डायलाइसिसका क्रममा असहज महसुस गरेपछि चिकित्सकहरुले आइतबार दिनभर आराम गर्न सुझाव दिएका थिएका थिए ।
आरामका लागि समय नछुट्याएर राजनीतिक र व्यक्तिगत भेटघाटमा दौडधुप गर्न थालेपछि पछिल्लो समय ओलीमाथि चिकित्सकहरुले निगरानी बढाएका छन् ।