रौतहटमा प्रहरी र भारतीय आपराधिक समूहबीच गोली हानाहान

| 2020 Jan 29 | 11:43 am 1276

रौतहट, माघ १५: गएराति रौतहटमा प्रहरी र भारतीय आपराधिक समूहबीच  गोली हानाहान भएको छ । गोली लागेर आपराधिक समूहका १ व्यक्ति घाइते भएका छन् ।  घाइते हुनेमा २० वर्षीय चाँद अली रहेको जिल्ला प्रहरी कार्यालय रौतहटले जानकारी दिएको छ ।

जिल्लाको इशनाथ नगरपालिका १ बन्जरास्थित नेपाल भारत सीमासंग जोडिएको बकैया नदिको बाँधमा प्रहरी र भारतीय आपराधिक समूहबीच गोली हानाहान भएको हो ।

आपराधिक समूह भारत हुँदै नेपाल प्रवेश गर्न लागेको सूचना पाएपछि प्रहरी टोली नेपाल–भारत सिमानामा पुगेको थियो । प्रहरी गस्ति टोली र अपराधी समूहबीच जम्काभेट हुँदा अपराधी समूहले गोली चलाएपछि प्रहरीको जवाफी कारवाहीमा चलाएको गोली शेख चाँदको खुट्टामा लागेको हो।

प्रहरीले उक्त समूहबाट एउटा कटुवा पेस्तोल, एक राउण्ड गोली र खोका बरामद गरेको छ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.