चितुवाको आक्रमणबाट तनहुँमा फेरि एक बालकको मृत्यु

| 2020 Jan 27 | 08:47 pm 1574

तनहुँ, माघ १३ बाघको आक्रमणबाट तनहुँमा एक बालकको मृत्यु भएको छ । मृत्यु हुनेमा तनहुँ बन्दिपुर गाउँपालिका वडा नं ४ लोईपाखाका सुक बहादुर सुनारको छोरा १० वर्षीय ईस्क सुनार रहेको प्रहरीले जानकारी दिएको छ ।

सोमबा साँझ अन्दाजी ६ः४० बजेको समयमा घर नजिकै आगनमा खेल्ने क्रममा चितुवाले आक्रमण गरी घर नजिकै रहेको लोईपाखा जंगल तर्फ लगेको पाइएको थियो ।

खोजतलासपछि बालक सोही स्थानको खोल्सामा मृत अवस्थामा फेला परेको थियो । बालकको घाँटीमा प्वाल परेको र शरिरको अन्य भागमा केही पनि नभएको प्रहरीले बताएको छ ।

उक्त घटनास्थलमा ईलाका प्रहरी कार्यालय भानु मुकाम डुम्रेबाट प्रहरी निरीक्षक जितेन्द्र श्रेष्ठ सहितको प्रहरी टोली खटिई घटनाको सुक्ष्म रुपमा अनुसन्धान भईरहेको बताइएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.