समुद्रमा माछा मार्न जाँदा दुई नेपाली दाजुभाइको मृत्यु

रिपोर्ट नेपाल | 2020 Jan 14 | 07:19 pm 1240

एजेन्सी, २९ पुस : समुद्री किनारमा माछा मार्न जाँदा छालले बगाएर पोर्चुगलमा दुई नेपालीको मृत्यु भएको छ। मृत्यु हुनेमा धादिङ घर भएका दाजुभाइ श्याम वाइवा तामाङ र कमल वाइवा तामाङ रहेका छन्।

पोर्चुगलको कास्काइसको बोका डो इन्फर्नो क्षेत्रमा माछा मार्न गएका दाजुभाइलाई समुन्द्री छालले बगाउँदा बेपत्ता भएका थिए। नौ महिनाअघि पोर्चुगल पुगेका उनीहरूले रेस्टुरेन्ट व्यवसाय सञ्चालन गर्दै आएका थिए।

दुवै नेपालीको शवको अन्त्येष्टि पोर्चुगलमै गर्ने वा नेपाल पठाउने भन्ने निर्णय भइनसकेको तामाङ समाज पोर्चुगलकी अध्यक्ष सुनिता ब्लोन तामाङले बताइन्।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.