काठमाडौं, पुस २०: कृषि विकास बैंक ह्याकिङ्ग गरी फरार रहेका एक अभियुक्तलाई प्रहरीले पक्राउ गरेको छ ।
पक्राउ पर्नेमा मोरङ रंगेली नगरपालिका वडा नम्बर २ का ४३ वर्षीय दिपक नेपाल रहेका छन् ।
उनी नाईजेरियन र भारतीय नागरिकहरुसँग लामो समयदेखि भारतको मुम्बाईका साथै नेपालमा बसी नेपाल बैंक तथा वित्तीय संस्थाहरुबाट ५ अर्ब (५० मिलयन डलर) भन्दा बढी ह्याक गरी लैजाने योजना बनाएका थिए ।
उनले नेपाली नागरिकलाई प्रयोग गरी कृषि विकास बैंकको क्रेडेन्सियल ह्याक गरी एक करोड रकम सहित ठगी गरी फरार रहेको प्रहरीले जानकारी दिएको छ ।
उनलाई अपराध महाशाखाको विशेष अनुसन्धान टोलीले पुस १८ गते शुक्रबार पक्राउ गरी आवश्यक अनुसन्धानको लागि आइतबार महाशाखाको केन्द्रीय कार्यालय परिसरमा पेश गरिएको प्रहरीले जनाएको छ ।