नेपाल भ्रमण वर्ष २०२० को शुभारम्भ दशरथ रंगशालामा साग भन्दा भब्य बनाउने

रिपोर्ट नेपाल | 2019 Dec 30 | 07:00 pm 1960

काठमाडौं, पुस १४: नेपाल भ्रमण वर्ष २०२० को शुभारम्भको तयारी पुरा भएको छ । संस्कृति, पर्यटन तथा नागरिक उड्डयन मन्त्रालय, नेपाल पर्यटन बोर्ड र नेपाल भ्रमण वर्ष सचिवालयले सोमवार मिडिया ब्रिफिङमार्फत भ्रमण वर्षको तयारी पूरा भएको जानकारी दिएका छन् ।

आउँदो बुधबार (१ जनवरी) दशरथ रंगशालामा हुने उद्घाटन समारोह एक महिना अगाडि सम्पन्न भएको दक्षिण एसियाली खेलकुद (साग) भन्दा भब्य बनाउने चूनौती रहेको भ्रमण वर्ष सचिवालयका संयोजक सुरज वैद्यले जानकारी दिए ।

भर्खरै सागको ऐतिहासिक उद्घाटन भएकै भेन्यूमा हामी भ्रमण वर्षको उद्घाटन गर्दैछौं, यस पटक त्यो भन्दा भब्य उद्घाटन गर्नुपर्ने चूनौती रहेका उनले बताए ।

उक्त अवसरमा संस्कृति, पर्यटन तथा नागरिक उड्डयन मन्त्री योगेश भट्टराईले भ्रमण वर्ष सफल बनाउने सन्दर्भमा मुलुकभित्र राष्ट्रिय एकता बनेको बताए ।

आफू मन्त्री भएर आएयता करिब एक सय संघसंस्थासँग भ्रमण वर्षको सन्दर्भलाई लिएर छलफल गरिएको बताउँदै उनले अर्थतन्त्रको मुल आधार पर्यटन बनाउने सरकारको लक्ष्यमा यस अभियानले सहयोग गर्ने उल्लेख गरे ।

उनले १ वैशाखका दिन देशभर दीपावली गरेर भ्रमण वर्षको उद्घाटनमा सहभागी हुन सबै देशबासीमा आहृवान समेत गरेका छन् ।

यस्तो हुनेछ भ्रमण वर्षको उद्घाटन (सूचिसहित)

 

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.