दाङ, पुस ३: तुलसीपुरमा ट्रयाक्टरको ठक्करबाट स्कुल जाँदै गरेकी बालिकाको मृत्यु भएको छ भने अर्का एक घाइते भएका छन् ।
मृत्यु हुनेमा स्थनीय तुलसी बोर्डिङ स्कुलमा अध्ययनरत तुलसीपुर ७ शिवनगरकी १३ वर्षीया बालिका विजिता केसी रहेकी छन् ।
इलाका प्रहरी कार्यालय तुलसीपुरको अनुसार बिहीबार बिहान साढे ९ बजे स्कुल जाँदै गर्दा बालिका गम्भीर घाइते भएकी थिइन । उपचारको लागि उनलाई राप्ती प्रादेशिक अस्पताल तुलसीपुर लगिएको थियो । उपचारकै क्रममा बालिकाको मृत्यु भएको जानकारी दिए ।
घाइते भएकी १४ वर्षीया मनिषा ओलीको सोही अस्पतालमा उपचार भइरहेको प्रहरीले जनाए ।
रा १ त १४३५ नम्बरको ट्रयाक्टरले स्कुल गइरहेका छात्राहरूलाई तुलसीपुर ५ गोदामघरनजिकै ठक्कर दिएको थियो।
ठक्कर दिने ट्रयाक्टर र चालकलाई प्रहरीले नियन्त्रणमा लिएका छन्।
