उदयपुरको लिम्चुङबुङ गाउँपालिका ३ मा एक बालक मृत फेला

रिपोर्ट नेपाल | 2019 Nov 30 | 03:54 pm 2607

उदयपुर, मंसिर १४: जिल्लाको लिम्चुङबुङ गाउँपालिका ३ बाराहामा एक बालक मृत फेला परेका छन् ।

मृत फेला पर्नेमा लिम्चुङबुङ गाउँपालिका ३ सिम्लेका भरत मगरका ११ वर्षिय छोरा गणेश मगर रहेका छन् ।

शुक्रबार जंगलमा घाँस काट्न गएका बालबालिकाहरुल देखेपछि गाउँलेलाई खबर गरेको लिम्चुङबुङ गाउँपालिका ३ का वडा सदस्य गुरुमणि कुमाइँले जानकारी दिए ।

राईका अनुसार उक्त बालकको विगत ४ वर्षदेखि मानसिक सन्तुलन ठिक नभएको र बालक यही मंसिर ८ गते घरबाट बेपत्ता भएको बताए ।

उनको खोजी कार्य गरेपनि भेटाउन नसकेपछि शुक्रबार मात्र मृत अवस्थामा भेटिएपछि प्रहरीलाई खबर गरेको वडा सदस्य कुमाइँले जनाए । मृतक बालकलाई पोष्टमार्टमको लागि जिल्ला अस्पताल गाईघाट लगिएको बताए ।

पारिवारिक स्रोतका अनुसार बालकको उपचार गर्न अभिभावकले धेरै प्रयास गरेपनि आर्थिक अवस्था कमजोर भएका कारण सुधार हुन नसकेपछि झनै समस्यामा परेका थिए । उपचारको लागि धेरै अस्पताल लगिएपनि भने जस्तो उपचार हुन नसकेपछि बालकलाई घरमै राखेका थिए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.