आज लौह पुरुष गणेशमान सिंहको १ सय ५ औँ जन्म जयन्ती

| 2019 Nov 10 | 10:10 am 1630

काठमाडौं, कात्तिक २४: आज नेपाली कांग्रेसका संस्थापक नेता एवंम् लौह पुरुष गणेशमान सिंहको १ सय ५ औँ जन्म जयन्ती विभिन्न कार्यक्रम गरी मनाइँदैछ।

सि‌ंहको सम्झनामा नेपाली कांग्रेस र उसका भ्रातृ संगठनले विभिन्न कार्यक्रमको आयोजना गरेका छन्। शोभा भगवतीमा रहेको सिंहको शालिकमा विहान माल्यार्पण गरिएको छ।

स्रोतका अनुसार दिउँसो १ बजे ज्ञानेश्वरमा स्मृति सभा गर्ने तय भएको छ। साँझ ५ बजे नेपाल विद्यार्थी संघले शान्ति बाटिका रत्नपार्कमा द्विप प्रज्वलन गर्ने कार्यक्रम रहेको छ।

राणा शासनको अन्त्य तथा प्रजातन्त्रको वहालीका लागि सिंंहको योगदानलाई अतुलनीय मानिन्छ। उनी नेपाली राजनीतिमा संघर्ष र इमान्दारिताका पर्याय मानिन्छन्।

उनले नेपाली प्रजातान्त्रिक आन्दोलनका नायक बीपी कोइरालासँग मिलेर नेपाली कांग्रेसको स्थापना गरेका थिए।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.