अवैध लागूऔषध सहित दुई पक्राउ

रिपोर्ट नेपाल | 2019 Oct 19 | 09:34 pm 1412

काठमाडौं, कात्तिक २: राक्सिराङ गाउँपालिका १ खोलाटार का ३३ वर्षीय प्रकाश मोक्तानलाई अवैध लागूऔषध गाँजा करिब १ सय २२ केजी १ सय ग्राम सहित प्रहरीले पक्राउ गरेको छ ।

विशेष सूचनाको आधारमा जिल्ला प्रहरी कार्यालय मकवानपुर र ३ नम्बर प्रदेश प्रहरी कार्यालय हेटौंडाबाट संयुक्त रुपमा खटिएको प्रहरीले मोक्तानको घर खानतलासी गर्ने क्रममा लुकाइछिपाइ राखेको अवस्थामा उक्त परिमाणको गाँजा फेला पारी उनलाई पक्राउ गरेको हो ।

त्यसैगरी विराटनगर महानगरपालिका १३ स्थित जतुवा नहरबाट सुनसरी धरान उपमहानगरपालिका ८ का १९ वर्षीय देउ राज राईलाई प्रतिबन्धीत लागूऔषध फेनारगन २९ एम्पुल, डाइजेपाम ३४ एम्पुल, एभिल १५ एम्पुल र लुपिजेसिक ३४ एम्पुल सहित प्रहरीले पक्राउ गरेको छ ।

यस सम्बन्धमा स्थानीय प्रहरीले आवश्यक अनुसन्धान गरिरहेको बुझिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.