काठमाडौं, असाेज ७ : मंगलबार कालीमाटीमा राँगोले हान्दा चारजना घाइते भएका छन् । मासुका लागि तराइबाट ल्याइएको राँगो कालीमाटीमा ट्रकबाट झार्ने क्रममा भाग्दा सडकमा निस्किएर चारजनालाई हानेर घाइते बनाएको थियो । त्यहाँबाट भागेको राँगोलाई खिचापोखरीमा घेरा हालेर महानगरीय प्रहरी परिसरको टोलीले गोली हानि मारेकाे थियो ।
महानगरीय प्रहरी परिसरका एसएसपी उत्तमराज सुवेदीले दिएको जानकारीअनुसार राँगोले हानेर घाइते भएका चारजनाको काठमाडौंमा उपचार भइरहेको छ ।