काठमाडौं, भदाै १: महानगरीय प्रहरी वृत्त, स्वयम्भूमा कार्यरत् प्रहरी जवान मृत अवस्थामा फेला परेका छन् ।
फेला पर्नेमा प्रहरी जवान शंकर ठगुन्ना रहेका छन् । उनी नागार्जुन नगरपालिका–३, ठूलो भर्याङमा ३० वर्षीया महिलासँग लिभिङ टुगेदरमा बस्दै आएका थिए । तर, गएराति मृत भेटिएका हुन् ।
उनै महिलाले प्रहरीलाई ठगुन्ना झुण्डिएको अवस्थामा भेटिएको भन्दै खबर गरेकी र खबर लगत्तै अनुसन्धान अधिकृत घटनास्थलमा पुग्दा, ठगुन्नाको शव भुइँमा लडिरहेको अवस्थामा फेला पारिएकाे प्रहरीले जानकारी दिए ।
स्वयम्भूका प्रहरी नायब उपरीक्षक (डीएसपी) लालध्वज सुवेदीले दिएकाे जानकारी अनुसार, प्रहरीले महिलालाई सोधपुछका लागि नियन्त्रणमा लिएको बताए ।
प्रहरी जवान ठगुन्ना २० वर्षका हुन् भने महिला ३० वर्षीया विवाहित हुन् । उनको श्रीमानको मृत्यु भइसकेको बुझिएकाे छ ।
