गोरखा, भदाै १: गोरखा नगरपालिका–९, लक्ष्मीबजारमा गएराति श्रीमानले श्रीमतीको खुर्पाले घाँटी रेटेर हत्या गरेका छन् ।
जिल्ला प्रहरी कार्यालय, गोरखाका प्रमुख प्रहरी उपरीक्षक ओम अधिकारीले दिएकाे जानकारी अनुसार स्थानीय २० वर्षीय याकुब परियारले आफ्नी १९ वर्षकी श्रीमती पूजा परियारको खुर्पाले घाँटी रेटेर हत्या गरेको जनाए ।
प्रहरीले तत्काल गरेकाे अनुसन्धान अनुसार मृतकका श्रीमान् याकुव मानसिक रोगी भएकाे जानकारी दिए । उनी मानसिक रोगको औषधि खाँदै आएको प्रारम्भिक अनुसन्धानबाट खुलेको छ ।
हत्या गर्ने याकुवलाई गएराति नै नियन्त्रणमा लिएर अनुसन्धान शुरु गरेको प्रहरीले जनाएको छ । घटनाका सम्बन्धमा थप अनुसन्धान भइरहेको छ ।
मृतकको शव परीक्षणका लागि आइतबार जिल्ला अस्पताल गोरखामा राखिएको प्रहरीले जनाएको छ ।
