रसुवा, साउन ७: जिल्लाकाे नौकुण्ड गाउँपालिकाले संस्थागत रूपमा सुत्केरी गराउनेलाई दुई क्रेट अन्डासँगै ५ सय रुपैयाँ दिने भएको छ।
गाउँपालिकाले गर्भवती महिला तथा सुत्केरी आमाको पोषण सुधारका लागि कार्यक्रम लागू गरेको स्वास्थ्य शाखाले जनाएको छ। गाउँपालिकाभित्र आर्थिक वर्ष २०७५/७६ मा २१ दशमलव २९ प्रतिशतले मात्र संस्थागत सुत्केरी गराएका छन्।
आव २०७४/७५ को तथ्यांकअनुसार २४ दशमलव २६ प्रतिशत, आव २०७३/७४ मा २७ दशमलव ३७ र २०७२/७३ मा २४ दशमलव ८ प्रतिशत गर्भवती महिलाले स्वास्थ्य संस्थामा सुत्केरी गराएका थिए । नागरिक न्युजबाट
