काठमाडौं, असार १५ एसईई परीक्षाको नतिजामा भनेजस्तो श्रेणी नआएमा एक किशोरीले आत्महत्या गरेकी छन् ।
आत्महत्या गर्नेमा अर्घाखाँची जिल्ला सन्धिखर्क नगरपालिका –७ घर भई हाल चन्द्रागिरी नपा –१२ बलम्वु दूरसञ्चार बस्ने सदिक्षा पौडेल रहेकी प्रहरीले जानकारी दिए । उनले श्री बलम्वु माविबाट एसईई परीक्षा दिएकी थिइन् ।
काठमाडौं प्रहरी प्रमुख उत्तमराज सुवेदीले एसईईमा ए प्लस नतिजा नआएपछि आत्महत्या गरेको हुन सक्ने बताए ।
प्रहरीका अनुसार उनको शवलाई शिक्षण अस्पतालमा पोस्टमार्टम गर्न पठाइएको छ । पौडेलको एसईईमा जिपिए ३.६ आएको थियो।
