काठमाडौं, चैत्र १४ : नेत्रविक्रम चन्द (विप्लव)को बन्दका कारण स्थगित भएको नेपाली काँग्रेस गुल्मीको जिल्ला सम्मेलन चैत्र १६ र १७ गते सदरमुकाम तमघासमा हुने भएको छ ।
१६ गते एसइई परीक्षा र नेपाल बार एशोसियशनको निर्वाचन भएका कारण चन्द समुहले बन्द फिर्ता लिएपछि सम्मेलन हुने भएको हो । सम्मेलनलाई भब्य बनाउनका लागि दशवटै गाउँपालिका दुई नगर र वडा वडामा भेला सम्पन्न भइसकेका छन् ।
जिल्ला सम्मेलनमा सभापति शेरबहादुर देउवा, बरिष्ठ नेता रामचन्द्र पौडेल, महामन्त्री शशांक कोइराला, प्रवक्ता विश्वप्रकाश शर्मा, युवा नेता डा चन्द्र भण्डारी र गुरु घिमिरेको उपस्थिती रहने सचिव खीलध्वज पन्थीले बताए ।
