पर्वतमा बस दुर्घटना, ४ जनाको मृत्यु

| 2019 Jan 17 | 09:17 am 1987

 

पर्वत, माघ ३ : पर्वतमा बस दुर्घटना हुँदा चार जनाको मृत्यु भएको छ। बिहीवार विहान बेनीबाट नारायणघाटतर्फ जाँदै गरेको ग १ प ६१०८ नम्बरको बस कुश्मा नगरपालिका वडा नम्बर १ मालढुंगामा दुर्घटना भएको जिल्ला ट्राफिक प्रहरी कार्यालयले जानकारी दिएको छ।

कार्यालयका निमित्त प्रमुख रामकृष्ण गौलीका अनुसार बस सडकबाट १०० मिटर तल खसेको छ। ‘अहिलेसम्म ४ जनाको मृत्यु भइसकेको छ’, उनले भने, ‘घाइतेलाई धौलागिरी अञ्चल अस्पताल बागलुङ लगिएको छ।’

उनका अनुसार मृतकको सनाखत हुन सकेको छैन। बसमा कति सवार थिए र कति घाइते भन्ने विस्तृत विवरण आउन बाँकी छ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.