काठमाडौं, मंसिर २२ : एभरेष्ट प्रिमियर लिग (ईपीएल) टी–ट्वान्टी क्रिकेटको तेस्रो संस्करण आज सुरु हुँदैछ । कीर्तिपुरस्थित टियु क्रिकेट मैदानमा आज दिउँसो हुने उद्घाटन खेलमा साविक विजेता विराटनगर वारिवर्स र ललितपुर प्याट्रीयट्सले प्रतिस्पर्धा गर्नेछन् ।
पारस खड्काको कप्तानीमा रहेको विराटनगर र ज्ञानेन्द्र मल्लको कप्तानीमा रहेको ललितपुर पहिलो खेलमा सफलता हात पार्दै सुखद सुरुवात गर्ने लक्ष्यमा छन् । नेपाली राष्ट्रिय टोलीका कप्तान पारस र उपकप्तान ज्ञानेन्द्रको टिमबीच हुने उद्घाटन खेल अपरान्ह १ बजे सुरु हुनेछ ।
घरेलु क्रिकेटको सबै भन्दा ठुलो फ्रेन्चाईज प्रतियोगितामा ६ टोली सहभागी छन् । यस पटक पनि अघिल्ला संस्करणकै टिमहरू काठमाडौं किंग्स इलाभेन, ललितपुर प्याट्रीयट्स, विराटनगर वारिवर्स, भैरहवा ग्लाडीयटर्स, चितवन टाइगर्स र पोखरा राइनोजले प्रतिस्पर्धा गर्ने छन्
