- महेश सिंह
सिरहा, जेठ ६ः लहान नगरपालिकाको प्रमुखमा गठबन्धनको तर्फबाट नेपाली कांग्रेसका महेश प्रसाद चौधरी र उपमेयरमा जसपाका रामचलिर महतोले विजयी भएका छन्। यस नगरपालिकामा काङ्ग्रेस, जसपा र माओवादी केन्द्रबीच गठबन्धन रहेको थियो ।
गठबन्धनकै सरकार हुने स्थानीयहरुमा पहिला देखि नै व्यापक चर्चा रहेको थियो। त्यसै कारण लहान मेयरका लागि काङ्ग्रेसका महेश प्रसाद चौधरी र जसपाका रामचलितर महतोले उपमेयर पदका लागि उम्मेदवार दिएका थिए।
गठबन्धन र नेकपा एमालेबीच निकै कडा प्रतिस्पर्धा देखिएको थियो । लहानका अधिकांस ठाउँमा काङ्ग्रेस निर्वाचित भएका छन् । त्यसैगरी नेकपा एमाले, जसपा, माओवादी र एकीकृत समाजवादी पनि निर्वाचित भएका छन्। यी साझा जितले लहानमा नमुना रुप दिन्छ भन्ने जनताको जन अपेक्षा रहेको छ।