काठमाडौँ १४ असार / फिफा विश्वकप २०२६ को समूह (लिग) चरणका सबै खेल आइतबार सम्पन्न भएका छन्। ४८ टोली सहभागी रहेको यस संस्करणमा १२ समूहका खेल सकिएसँगै प्रत्येक समूहका शीर्ष दुई टोली र उत्कृष्ट प्रदर्शन गर्ने आठ तेस्रो स्थानका टोली गरी ३२ टोली नकआउट चरण (राउन्ड अफ ३२) मा प्रवेश गरेका छन्।
समूह चरणको अन्तिम दिन भएका खेलहरूले नकआउट चरणको पूर्ण समीकरण तय गरेका छन्। अब प्रतियोगिता एकल एलिमिनेसन (हार्ने टोली बाहिरिने) प्रणालीअनुसार अगाडि बढ्नेछ।
सन् २०२६ को विश्वकप पहिलो पटक ४८ टोलीको विस्तारित ढाँचामा आयोजना भइरहेको हो, जसमा कुल १०४ खेल समावेश छन्। प्रतियोगिताको राउन्ड अफ ३२ चरण जुन २८ देखि सुरु हुनेछ।
