गजल
अँध्यारोमा रात गुजार्ने बास पनि छैन
मिठो मसिनाे परै जावस् गाँस पनि छैन ।। १
जतासुकै देख्छु पापी कहाँ लुकाऊँ मुटु
फाेक्साेसँग चाहिने जति सास पनि छैन ।। २
मान्छे होइन गरीब मर्छन् अभावमा यहाँ
श्रद्धाञ्जलि पाउने एउटा लाश पनि छैन ।। ३
निसास्सियाे वर्षाैं देखि पिरले याे जिन्दगी
शीतलता दिन सक्ने बतास पनि छैन ।। ४
परिस्थिति बदलिएसि निर्दयी भाे दुनियाँ
शिर उठाई उँभाे हेर्न आकाश पनि छैन ।। ५
