काठमाडौं, साउन १० । नेपाली कांग्रेसको १४ औं महाधिवेशन पश्चात ६ महिना भित्र नीति अधिवेशन गर्ने भनीएता पनि अन्तत महाधिवेशन सम्पन्न भएको १९ महिना पछि आगामी मंसिरमा महासमिति बैठक गर्ने निर्णय भएको छ ।
हप्तादिन देखी प्रत्यक्ष प्रशारण सहित चलेको रस्साकस्सी सहितको केन्द्रीय समिति बैठकले आगामी मंसिर ११, १२ र १३ गते महासमितिको बैठक गर्ने निर्णय गरेको हो ।
महासमिति बैठक काठमाडौंमा बस्नेछ। यस्तै सांगठनिक सुदृढीकरणका लागि साउन २० देखि ३० गतेसम्म आन्तरिक अभियान र भदौ १० देखि २४ गतेसम्म ‘समुदायमा कांग्रेस’ नामक राष्ट्रव्यापी अभियान चलाउने निर्णय भएको जनाइएको छ ।
