कास्की, माघ १२: अवैध २९ राउण्ड गोलीसहित पाेखरा विमानस्थलबाट कास्की प्रहरीले एका जनालाई पक्राउ गरेको छ ।
पक्राउ पर्नेमा पोखरा महानगरपालिका २७ रिठेपानीका ४० वर्षीय जितु शाही रहेको प्रहरीले जानकारी दिएको छ ।
उनलाई २२ बोर राइफलमा प्रयोग हुने २९ राउण्ड गोलीसहित आइतबार बिहान प्रहरीले पक्राउ गरेको हो ।
पोखरा विमानस्थलबाट यति एयरको उडानद्वारा काठमाडौंतर्फ आउन लागेका शाहीले बोकेको झोला एक्सरे मेशिनमा जाँच गर्ने क्रममा उक्त गोली फेला पारी प्रहरीले शाहीलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको बुझिएको छ ।
