गीत
प्रत्येकको शिरमा नेपाली टोपी शान बनोस
कमरमा शिरुपाते वीरताको प्रतिक बनोस
नेपाली जहाँ रहे पनि मुटुमा नेपाल रहोस
नेपाली मन नेपालीपन सधैं मौलाई रहोस
विश्वमा नै नेपालीहरु अब चम्की सके
मेचीकालीको परिधिलाई अब उछिनी सके
पुर्खाले देखेका सपना पुरा गर्न लम्कि सके
विशाल नेपालको अग्निपथमा डटी सके
जहाँ जहाँ नेपाली हुन्छ त्यहाँ नेपाल पुग्छ
प्रत्येकको मनमन्दिरमा नेपाल हुनु पर्छ
वीरहरुको पनि वीर भनि चिनिनु पर्छ
त्यागीहरु भन्दा पनि महात्यागी बन्नु पर्छ
© कृष्ण बहादुर थापा
