उदयपुर, पुस ५: शुक्रबार साँझ त्रियुगा नगरपालिकामा ट्रयाक्टरले किच्दा एकको मृत्यु भएको छ।
मृत्यु हुनेमा सहचालक त्रियुगा नगरपालिका ६ जलजलेका अलि मियाँ रहेको जिल्ला ट्राफिक प्रहरी कार्यालय उदयपुरका इन्चार्ज दिनेशकुमार चौधरीले जानकारी दिए।
त्रियुगा नगरपालिका–१३ बरुवा बसपार्क नजिकको बरुवा खोला जाने बाटोमा स १ त ६८०० नम्बरको ट्रयाक्टरले किच्दा उनको मृत्यु भएको हो ।
घटनाको अनुसन्धानका लागि ट्रयाक्टर र चालकलाई नियन्त्रणमा राखिएको जिल्ला प्रहरी कार्यालय उदयपुरले जनाए ।
