बाजुरा , जेठ २२ : एकाबिहानै बाजुरामा भूकम्पको धक्का महसुस गरिएको छ ।
मंगलबार बिहान ७:१९ बजे बाजुराको बिच्छ्या नजिकै केन्द्रबिन्दु भइ ४.९ म्याग्नीच्युडको भूकम्प गएको राष्ट्रिय भूकम्प माप केन्द्रले जनाएको छ ।
१२ वैशाख , २०७२ को विनाशकारी भूकम्पपछि पराकम्प जाने क्रम रोकिएको छैन । राष्ट्रिय भूकम्प मापन केन्द्रका अनुसार, यो नयाँ भूकम्प नभएर २०७२ को भूकम्पको पराकम्पन हो ।
गोरखा भूकम्पपछि चार रेक्टर स्केलभन्दा माथिका ५०० भन्दा बढी पटक परकम्प गइसकेको केन्द्रले जनाएको छ । केन्द्रको तथ्याकं अनुसार जेठमा मात्रै दोलखा, गोरखा, दैलेख, दार्चुला बाजुरा गरी पाँचपटक पराकम्प गएको छ ।
चार रेक्टरभन्दा साना परकम्प हजारौँको संख्यामा गइसकेका छन् । चार रेक्टरभन्दा साना परकम्पको खासै असर नपर्ने भूकम्प मापन केन्द्रले जनाएको छ ।
