बागलुङ, जेठ ३१ : गल्कोटदेखि यात्री लिएर ताराखोला गाउँपालिका-२ अर्गल जाँदै गरेको पिकअप खस्दा २ को मृत्यु भएको छ । ग१ज ६०३४ नम्बरको पिकअप बिहीबार दिउँसो १ बजे भातखाने डाँडा नजिकै सडकदेखि ५ सय मिटर तल खस्दा दुईको मृत्यु भएको हो ।
मृत्यु हुनेमा ताराखोला गाउँपालिका-३ का २४ वर्षीय हेमन्त घिमिरे र ५५ वर्षका हरिराम गिरी छन् । उनीहरुको घटनास्थलमै मृत्यु भएको प्रहरीले जनाएको छ ।
ग१ज ६०३४ नम्बरको पिकअप बिहीबार दिउँसो १ बजे भातखाने डाँडा नजिकै सडकदेखि ५ सय मिटर तल खसेको हो ।
जिपका चालक डम्बरबहादुर घिमिरे र अर्का यात्री ४२ वर्षका कर्णबहादुर भण्डारी घाइते भएका छन् । उनीहरु दुवैलाई उपचारका लागि स्थानीय र प्रहरीले उद्दार गरी गलकोट प्राथमिक स्वास्थ्य केन्द्र पठाएका छन् ।
