कैलाली, साउन २० : मालपोत कार्यालय टीकापुरका दुई कर्मचारी घुस रकमसहित पक्राउ परेका छन् । मालपोत कार्यालय टीकापुरका नायब सुब्बा सिंहबहादुर कुवँर र खरिदार नरराज पाण्डे आठ हजार रुपैयाँ घुससहित पक्राउ परेका हुन् ।
अख्तियार दुरुपयोग अनुसन्धान आयोग कञ्चनपुरको टोलीले उनीहरुलाई लम्की चुहा नगरपालिका वडा नम्बर ३ व्यवस्थीत नगरबाट आइतबार साँझ पक्राउ गरेको हो ।
सेवाग्राहीबाट घुस रकम लिँदै गर्दा उनीहरुलाई अख्तियारका अर्जुन सिंह साउँदको टोलीले पक्राउ गरेको अख्तियार दुरुपयोग अनुसन्धान आयोज कञ्चनपुरका सूचना अधिकारी टोपबहादुर विष्टले बताए । उनीहरुलाई अख्तियार दुरुपयोग अनुसन्धान आयोग कञ्चनपुरको नियन्त्रणमा राखिएको उनले बताए ।
