काठमाडौं, जेठ ५ : एक सातादेखि लगातारजसो आकाशिएको सुन चाँदीको भाउ घटेको छ । भाउ आकाशिएपछि सुन चाँदीका गहना बनाउन नसकिरहेकालाई भाउ घटेपछि भने राहत मिल्ने भएको छ ।
आइतबार नेपाली बजारमा सुनचाँदीको भाउ घटेको छ । साताको कारोबारको अन्तिम दिन तोलामा ६० हजार २०० मा कारोबार भएको छापावाल सुनको भाउ आइतबार तोलामा रु २०० घटेर ६० हजारमा कारोबार भइरहेको हो ।
यस्तै तेजावी सुन तोलामा ५९ हजार ७०० मा कारोबार भइरहेको छ । चाँदी भने तोलामा रु ७१० मा कारोबार भएको छ । शुक्रबार चाँदी तोलामा रु ७१५ मा कारोबार भएको थियो ।
