धनकुटा, असार ११ः धनकुटामा पोखरीमा डुबेर दुई जना बालकको मृत्यु भएको छ। पोखरीमा पौडी खेल्ने क्रममा धनकुटा नगरपालिका ५ का १५ वर्षीय स्वर्णिम राई र धनकुटा नगरपालिका २ का १५ वर्षीय उदय राईको मृत्यु भएको प्रहरीले जनाएको छ।
धनकुटा नगरपालिका–६ पात्लेखोला किनारामा रहेको धनकुटा एग्रो टुरिजम फन एण्ड भ्यालीले पर्यटकका लागि बोटिङ गर्न र माछापालनका लागि बनाएको पोखरीमा डुबेर शनिबार दिउँसो उनीहरुको मृत्यु भएको हो।
पौडी खेल्ने क्रममा पोखरीमा डुबेरका दुवै जनाको धनकुटा अस्पतालमा उपचारको क्रममा मृत्यु भएको हो। घरबाट स्वर्णिम र उदयसँगै गएका धनकुटा नगरपालिका ५ का सन्देश राईको भने उद्धार भएको छ।
घरबाट बिहान निस्केका उनीहरु हिँड्दै ११ बजे पोखरीमा पुगेको र पौडी खेल्ने क्रममा हराएपछि पोखरीमा खोजी गर्नेक्रममा डुविरहेका दुवैलाई निकालिएको थियो।
पोखरीबाट निकालेर उपचारको लागि धनकुटा अस्पताल ल्याइएको र उपचारको क्रममा मृत्यु भएको अस्पतालले जनाएको छ।
