काठमाडौँ, साउन १८ । प्राइम टेलिभिजनमा मुस्लिम, मगर र तामाङ समुदायका मानिसले दाजुबहिनी बीच विवाह सम्बन्ध हुने अभिव्यक्ति दिएर विवादित बनेकी कानुन व्यवसायी भगवती पाण्डे ‘शीतल’ अन्तत थुनामुक्त भएकी छन् । जिल्ला प्रहरी परिसर काठमाडौँले बुधबार उनलाई पक्राउ गरेर म्याद थपका लागी अदालतमा उपस्थित गराएको थियो ।
अदालतले हिरासतमा राख्न अनुमति नदिएपछि अधिवक्ता पाण्डेलाई ‘जिम्मा जमानी’मा थुनामुक्त गरिएको जिल्ला प्रहरी परिसर काठमाडौँका सूचना अधिकारी कुमुध ढुंगेलले बताए । अधिवक्ता पाण्डेले प्रमाण नष्ट गर्ने अवस्था नरहेको भन्दै अदालतले थुना बाहिर राखेर अनुसन्धान गर्न प्रहरीलाई आदेश गरेको छ ।
उनीविरुद्ध नेपाल तामाङ घेदुङको तर्फबाट कुमार सिंह घिसिङ र नेपाल मगर सङ्घका ज्ञानेन्द्र पुनः ले जिल्ला प्रहरी परिसर काठमाडौँमा जाहेरी दिएका थिए ।
