काठमाडौं, कात्तिक ३०: अखिल नेपाल फुटबल संघ (एन्फा)ले चार जना खेलाडीलाई कारवाही गरेको छ । कारवाहीमा बिलम घर्ती मगर, अञ्जन विष्ट, सन्तोष तामाङ र दीनेश राजवंशी रहेका छन् ।
यी चार खेलाडीलाई राष्ट्रिय फुटबल टिमबाट हटाएको छ । राष्ट्रिय फुटबल टोलीका चार खेलाडी अनुशासनको कारवाहीमा परेका हुन् ।
जसका कारण कुवेतसँग मंसिर ३ गते भुटानमा हुने खेल यी चार खेलाडीले गुमाउने छन् ।
यी चार खेलाडी गएराती २ बजेसम्म ठमेलमा डिस्कोमा रहेका कारण टोलीका मुख्य प्रशिक्षक योहान कालिनसँगको सल्लाहपछि अखिल नेपाल फुटबल संघ (एन्फा) ले चार खेलाडीलाई कारवाही गरेको एन्फाका प्रवक्ता किरण राईले जानकारी दिए ।