बागलुङ, भदाै २: आइतबार साँझ बडिगाड गाउँपालिकामा अविरल वर्षासँगै आएको भेलले बगाउँदा एक बालिकाको ज्यान गएको छ ।
ज्यान जानेमा बडिगाड गाउँपालिका–७, थाम्काकी बुद्धिबहादुर परियारकी आठ वर्षीया छोरी शर्मिला परियार रहेकी छन् । उनलाई भलले बगाएर मृत्यु भएको जिल्ला प्रहरी कार्यालय बागलुङले जानकारी दिए ।
शर्मिला बडिगाडस्थित डाँफेपातल आधारभूत विद्यालयबाट कक्षा २ मा अध्ययन गरी फर्कने क्रममा भेलले बगाएको स्थानीयले बताए ।
बाटोमा हिँडिरहेकी शर्मिलालाई ठूलो पानी परेपछि सडक निकारामा आएको भेलले बगाएर करिब ५ सय मिटर तल बगाएर पुर्याएको अवस्थामा मृत फेला परेको जिल्ला प्रहरी कार्यालय, बागलुङका प्रमुख प्रहरी उपरीक्षक नवराज भट्टले जानकारी दिए ।