सिरहा, पुस २८ : चार वर्षदेखि फरार रहेका अभियुक्तलाई प्रहरीले पक्राउ गरेको छ । सिरहा जिल्ला अदालतबाट १० वर्ष कैद र एक लाख रुपैयाँ जरिवाना तोकिएका कल्याणपुर नगरपालिका ८ का ३५ वर्षीय मोहम्मद हसिम राईनलाई प्रहरीले आइतबार पक्राउ गरेको हो ।
जिल्ला अदालत सिरहाले ८ चैत २०७२ मा आदेश गरेपछि राईन फरार थिए । पक्राउ परेका राईनलाई जिल्ला अदालत सिरहामा बुुझाइएको र फैसला कार्यान्वनको क्रममा जिल्ला कारागार पठाइएको प्रहरीले जनाएको छ ।
आफ्नै घरमा लुकेर बस्दै आएको सूचनाका आधारमा ईलाका प्रहरी कार्यालय मिर्चैयाबाट खटिएको टोलीले उनलाई पक्राउ गरेको हो ।