सर्लाही, जेठ १७ः जिल्लाको बिष्णु गाँउपालिका ६ सिमराबाट शनिबार एपीएफ टोलीले एक्सीप्लोन नामक ६ बोतल लागूऔषधसहित एक जनालाई पक्राउ गरेको छ ।
पक्राउ पर्नेमा सोही जिल्लाको मलंगवा नगरपालिका ४ का २७ बर्षीय फैईज आलम रहेका छन् । उनलाई सशस्त्र प्रहरी बल, नेपाल नम्बर १० गण सर्लाहीबाट खटिएको एपीएफ टोलीले पक्राउ गरेको हो ।
ज ३ प ५७६ नम्बरको मोटरसाइकलमा सवार आलमलाई एपीएफ टोलीले जाँच गर्दा उनको साथमा उक्त लागूऔषध फेला परेपछि पक्राउ गरिएको हो ।