सर्लाही, साउन १७ः जिल्लाको बरहथवा नगरपालिका ९ स्थित नहर ईलाकाबाट एपीएफ टोलीले वालरेस नामक ६० बोतल लागूऔषधसहित दुई जनालाई पक्राउ गरेको छ ।
पक्राउ पर्नेहरुमा सोही जिल्लाको बिष्णु गाँउपालिका ८ बतौलका ३८ बर्षीय पप्पु यादव र भारतको सितामढी सोनबर्षा घर बताउने ३६ बर्षीय सुचिन्दर साह रहेका छन् ।
उनीहरुलाई सशस्त्र प्रहरी बल, नेपाल सुरक्षा बेस धरहराबाट खटिएको एपीएफ टोलीले जाँच गर्दा उनीहरुको साथमा उक्त लागूऔषध फेला परेपछि पक्राउ गरिएको हो ।
पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाइएको छ ।
एपीएफ टोलीद्वारा अवैध मोबाईल सेट बरामद
पश्चिम नवलपरासीको प्रतापपुर गाँउपालिका ५ बसैयाबाट एपीएफ टोलीले करीब तीन लाख रुपैयाँ बराबरको चोरीपैठारीको मोबाईल सेट बरामद गरेको छ ।
सशस्त्र प्रहरी बल, नेपाल सुरक्षा बेस भैरमपुरबाट खटिएको एपीएफ टोलीले उक्त मोबाईल सेट बरामद गरेको हो ।
भारतबाट अवैध रुपले भन्सार छली नेपालतर्फ ल्याउँदै गरेको अवस्थामा उल्लेखित मूल्य बराबरको विभिन्न कम्पनीको २९ वटा मोबाईल सेट बरामद गरेको एपीएफ प्रहरीले जानकारी दिएको छ ।
बरामद मोर्बाइल सेट भन्सार कार्यालय महेशपुरमा बुझाइएको बताइएको छ ।