६.४ रेक्टरस्केलको शक्तिशाली भूकम्प ४ को मृत्यु १ सय ५० भन्दा बढी घाइते

रिपोर्ट नेपाल | 2019 Nov 26 | 02:28 pm 111

एजेन्सी: अल्बानियामा शक्तिशाली भूकम्प गएको छ । भूकम्पमा परी चार जनाको मृत्यु भएको बताइएको छ।

मंगलबार बिहान ४ बजे अल्बानियाको राजधानी तिराना भन्दा ३० किलोमिटर पर केन्द्रविन्दु बनाई ६.४ रेक्टरस्केलको शक्तिशाली भूकम्प गएको अमेरिकी भूकम्प मापन केन्द्रले जनाएको छ।

भूकम्पमा परी चार जनाले ज्यान गुमाए भने १ सय ५० भन्दा बढी घाइते भएका छन्। अल्बानियाको गृह मन्त्रालयले दुई पुरूष र महिलाको पुरिएर मृत्यु भएको जानकारी दिएको छ।

साथै एक जना आत्तिएर घरबाट हाम्फालेर मृत्यु भएको जनाएको छ। भूकम्प मापन केन्द्रले फेरि पराकम्पन आउन सक्ने जनाउँदै सुरक्षित रहन आग्रह गरेको छ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.