सिराहामा बस दुर्घटना हुँदा दर्जनौ घाईते

रिपोर्ट नेपाल | 2019 Sep 09 | 10:03 pm 52

  • महेश सिंह

सिराहा भदौ २३: सिराहामा यात्रुबाहक बस दुर्घटना भएको छ । जिल्ला प्रहरी कार्यालय सिराहाले दिएको अनुसार पूर्व पश्चिम राजमार्ग अन्तर्गत सिराहाको परयागपुरस्थित यात्रुवाहक बस दुर्घटना हुँदा दर्जनौ घाईते भएका छन् ।

काँकडभिट्टाबाट काठमाडौं जादै गरेको ना ५ ख ५२३४ नम्बरको शुभ बिहानी नामक यात्रुबाहक बस अनियन्त्रित भई दुर्घटना भएको हो ।

ईलाका प्रहरी कार्यालय मिर्चैया र कर्जन्हाबाट खटिएको प्रहरी टोलीले घाईतेहरुलाई उपचारको लागि स्थानीय अस्पतालमा लगिएको छ । दुर्घटनामा परी दुई जना गम्भिर घाईते भएको जिल्ला प्रहरी कार्यालय सिराहाले जानकारी दिए ।

नाम, ठेगाना नखुलेको दुवै जनाको टाउको र छातीमा गम्भिर चोट लागेको प्रारम्भिक जानकारी दिइएको छ। घाईते भएका करिब दुई दर्जन यात्रुहरुको स्थानीय अस्पताल तथा क्लीनिकहरुमा उपचार भईरहेको प्रहरीले जानकारी दिए ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.