विप्लव नेकपाद्वारा आफ्ना नेता-कार्यकर्तालाई उम्मेदवारी फिर्ता लिन आग्रह

रिपोर्ट नेपाल | 2022 Apr 26 | 03:04 pm 201

काठमाडौं, बैशाख १३ः नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले स्थानीय तह निर्वाचनका लागि उम्मेदवारी दिएका आफ्नो पार्टीका नेता-कार्यकर्तालाई मनोनयन फिर्ता लिन आग्रह गरेको छ ।

केन्द्रीय सचिवालयका सदस्य धर्मेन्द्र बास्तोलाले एक विज्ञप्ति जारी गरी उम्मेदवारी फिर्ता लिन आग्रह गरेका हुन् । विज्ञप्तिमा निर्वाचनमा भाग नलिने, देशभक्त, जनवादी, एमसीसीविरोधी उम्मेदवारलाई समर्थन गर्न सकिने, पार्टीका सदस्यहरू उठ्न चाहेको अवस्थामा स्वतन्त्र हैसियतमा उठ्न सक्ने पार्टीको नीति भए पनि केन्द्रीय सदस्य र जिल्ला पदाधिकारी नै उम्मेदवार बनेको पाइएको जनाइएको छ ।

निर्वाचनलाई लिएर विप्लव समूहभित्र दुई धार छ । चन्द समूह निर्वाचनलाई उपयोग गर्नुपर्ने पक्षमा छ भने बास्तोला समूह बहिष्कार गर्ने लाइनमा छ । विप्लव समूहले सबैभन्दा बढी उम्मेदवारी रोल्पामा दिएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.