रोनाल्डो भन्दा १२० खेल कम खेलेका मेस्सीले रोनाल्डोलाई उछिने !

रिपोर्ट नेपाल | 2019 May 21 | 01:39 pm 1018

काठमाडौं, जेठ ७ :  बार्सिलोनाका कप्तान तथा स्ट्राइकर लियोनल मेस्सीले क्लबका लागि सर्वाधिक गोल गर्ने खेलाडीको सूचीमा क्रिस्टियानो रोनाल्डोलाई पछि पारेका छन् ।

आइतबार राति ला लिगा अन्तर्गत सिजनको अन्तिम खेलमा दुई गोल गरेसंगै क्लबका सर्वाधिक गोल गर्ने खेलाडीको सूचीमा मेस्सीले इटालियन क्लब युभेन्ट्सका रोनाल्डोलाई उछिनेका हुन् ।

मेस्सीले लिगको अन्तिम खेलमा इबरविरुद्ध दुई गोल गरेका थिए । इबरमाथिको गोलसंगै मेस्सीले क्लबका लागि ६०२ गोल पुरा गरे । र, रोनाल्डोलाई एक गोलले पछि बनाए । बार्सिलोनाबाट मात्र खेलेका मेस्सीले ६८६ खेलमा ६ सय गोल गोल पुरा गरेका हुन् ।

रोनाल्डोले हालसम्म क्लबका लागि ६०१ गोल गरेका छन् । स्पोर्टिङ लिस्बोन, म्यानचेस्टर युनाईटेड र रियल मड्रिडबात खेलिसकेका रोनाल्डोले ८०६ खेलमा उक्त गोल पुरा गरेका हुन् । राेनाल्डाे भन्दा मेस्सी १२० खेल कम खेलेका छन् ।

गोल्डेन बुटका दाबेदार मेस्सीले ला लिगामा यस सिजन ३६ गोल गरेका छन् । मेस्सीको उत्कृष्ट प्रदर्शनले बार्सिलोनाले ला लिगाको उपाधि उचाल्यो । यस सिजन सर्वाधिक गोल गर्ने खेलाडी बन्दै मेस्सीले छैंटौ पटक पीचिची अवार्ड समेत जितेका छन् ।

युभेन्ट्सलाई सिरी ए को उपाधि दिलाउन सफल रोनाल्डोले यस सिजन २१ गोल गरे । र, रोनाल्डो क्लब आएको पहिलो सिजन नै सिरी ए फुटबलमा प्लेयर अफ दि इयर चुनिएका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.