रुखले च्यापिएर अछाममा एक किशोरीको मृत्यु

रिपोर्ट नेपाल | 2020 Sep 11 | 02:00 pm 84

अछाम, भदौ २६ः बिहीबार रुखले च्यापिएर अछाममा एक किशोरीको मृत्यु भएको छ । मृत्यु हुनेमा जिल्लाको कमलबजार नगरपालिका–४ चाल्साकी २१ बर्षीया निशा थापा रहका छन् ।

दाउरा ल्याउन वनमा गएकी निशाको दाउराको मुढाले शरीर च्यापी मृत्यु भएको हो । उनको सल्लाको मुढाले घाँटी थिचिएर घटनास्थलमै मृत्यु भएको उनका भाइ जनक थापाले जानकारी दिए ।

दाउराको मुढा मोटो रहेको र घाँटीमा थिचेर घटना स्थलमै ज्यान गएकाले उपचारको पहल नै गर्न नसकिएको परिवारले जनाएको छ ।

मृतक थापा जाल्पादेवी मावि कमलबजार–८ ढाँकुमा कृषि जेटिएमा अध्ययनरत गर्दै गरेकी अछाम प्रहरीले जनाएको छ ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.