नेपाली कांग्रेसका पूर्व सांसद भण्डारीको निधन प्रति नेकपा गुल्मीद्वारा शोक विज्ञप्ती

रिपोर्ट नेपाल | 2019 Apr 12 | 01:39 pm 181

गुल्मी, चैत २९ : नेपाली कांग्रेसका नेता पूर्व सांसद रुद्रमणि भण्डारीको निधन प्रति नेकपा गुल्मी र गुल्मीबाट प्रतिनिधिसभामा प्रतिनिधित्व गर्ने मन्त्रीद्धय प्रदीप ज्ञवाली र गोकर्ण विष्टले दुःख प्रकट गरेका छन् । गुल्मीको मुसिकोट नगरपालिका १ नेटामा जिप दुर्घटना हुँदा बिहीबार बिहान नेता भण्डारीसहित तीन जनाको मृत्यु भएको थियो ।

भण्डारीको निधन प्रति नेकपा गुल्मीले शोक विज्ञप्ति प्रकाशित गरेको छ । नेकपाका नेताद्धय बुद्धि जिसी र बालसिंह काउचाले संयुक्त रूपमा शोक विज्ञप्ति जारी गर्दै भण्डारी जनताको प्रिय नेता भएको उल्लेख गरेका छन । उनीहरूले भण्डारीको निधनले लोकतान्त्रिक आन्दोलनमा उपुरणीय क्षति पुगेको जनाएका छन ।

दुर्घटनामा मृत्यु भएका अन्यप्रति पनि नेकपा गुल्मीले श्रद्धाञ्जली अर्पण गरेको छ । यस्तै परराष्ट्रमन्त्री समेत रहेका नेकपाका नेता प्रदीप ज्ञवालीले भण्डारी अत्यन्त सरल, मृदुभाषी, निष्ठावान र विकासप्रति समर्पित रहेको र उहाँसँगका सहकार्यका पलहरू झलझली संझिरहेको भन्दै हार्दिक श्रद्धाञ्जली व्यक्त गरेका छन ।

त्यसैगरी श्रम रोजगार तथा सामाजिक सुरक्षामन्त्री समेत रहेका नेकपा नेता गोकर्ण विष्टले असल इमान्दार र क्रियाशील समाजसेवी तथा लोकतान्त्रिक आन्दोलनका अग्रणी राजनीतिज्ञको रूपमा भण्डारीको सम्झना गरेका छन । मन्त्री विष्टले भण्डारीको निधनले सामाजिक राजनीतिक आन्दोलनमा अपुरणीय क्षति पुगेको बताउँदै भण्डारीप्रति श्रद्धान्जली अर्पण गर्दै शोकाकूल परिवारजनमा गहिरो समवेदना व्यक्त गरेका छन ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.