नन्दी चलचित्रको ‘साईबउ’ बजारमा

रिपोर्ट नेपाल | 2020 Jun 04 | 03:08 pm 81

धनगढी, जेठ २२ः डोटेली भाषाको चलचित्र ‘नन्दी’ मा समावेश गरिएको देउडा गीत ‘साईबउ’ बजारमा आएको छ। सिएस फिल्मस् प्रालिको व्यानरमा बनेको डोटेली भाषाको चलचित्र नन्दीमा रहेको गीतमा अविनाश थापाको शब्द तथा भीम बिसीको संगीत रहेको छ ।

साईबउमा दोस्रो नेपाल आइडल रबी वड र गायीका सरु गौतमले स्वर दिएका छन्। गीतको निर्देशन जनक कुँवर र राज पाठकले गरेका हुन् । नन्दी चलचित्रका निर्माता तथा सुदूर पश्चिमका चर्चित नायक विनोद बोहरा ‘बोग्टानी किङ’, नायिका एसिला चाड मुख्य भूमिकामा छन् ।

गीत दिपायलको एतिहासिक तथा पुरातात्विक स्थलका रुपमा रहेको दिल्पेश्वर मठमा छायाङ्कन गरिएको छ । म्युजिक भिडियोलाई बुढासुब्बा डिजिटल म्युजिक प्रणालीले बजारमा ल्याएको छ ।

भिडियाे

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.