तनहुँमा फेरि अर्को चितुवा मृत भेटिए

रिपोर्ट नेपाल | 2019 Nov 20 | 02:59 pm 70

तनहुँ, मंसिर ४: जिल्लाको व्यास नगरपालिका १ मुसेखोलामा भाले चितुवा मृत अवस्थामा फेला परेको छ।

उक्त मृत चितुवाको ढाड भाँचिएको डिभिजन वन अधिकृत प्रमुख केदार बरालले जानकारी दिए ।

राजमार्गमा बाटो काट्ने क्रममा गाडीको ठक्करबाट घाइते भएपछि पानीको खोजीमा चितुवा खोलातिर गएको जस्तो देखिन्छ र खोला नजिक चितुवाले बान्ता गरेको देखिएको बरालले बताए ।

मृत भाले चितुवा करिब ८ वर्ष जतिको उमेर र ४० किलो जति तौल रहेको प्रमुख बरालले जनाए । घटना मंगलबार राती करिब २ः३ बजेको समयमा भएको हुन सक्ने उनले अनुमान गरेका छन् ।

फेसबुकबाट तपाईको प्रतिक्रिया

© Copyright Report Nepal Pvt. Ltd. | Website By : GOLDENMUD CREATION PVT. LTD.